Քանի աստղ կա երկնքում` անհնար է հաշվել: Հաշվել ծառերի խնձորները` ավելի հասարակ խնդիր է: Դա կարող է անել նույնիսկ չսովորած մարդը: Սակայն, մերօրյա ֆերմերը ժամանակ չունի անցնել այգու միջով և հաշվել միլիոնավոր խնձորները: Հայֆայի Technion համալսարանի հետազոտողները ծրագիր են ստեղծել, որը բավականին ճիշտ հաշվում է ծառերի խնձորները՝ մեքենայի տեսանելիության սահմաններում: Հարկ է եղել ալգորիթմին սովորեցնել տարբերել մրգերը` անտեսելով տերևները և ճյուղերը: Այն ավելի լավ է աշխատում գիշերը: Սարքավորումը լուսավորում է ծառը և որսում անդրադարձած լույսը: Այս մասին հաղորդում է vesti.ru-ն:
Գիտնականները պարզել են, որ մեքենան կարող է ամենաշատը սխալվել 20 տոկոսով, սակայն դա իմանալու դեպքում կարելի է ճշտել հաշվարկը և ստանալ ստույգ տվյալներ: Ինչպես ինժեներները գրում են Computers and Electronics in Agriculture ամսագրում, համակարգը ապագայում կկարողանա ոչ միայն հաշվել, այլ նաև հավաքել բերքը:
