Սիցիլիական ծոցում մի քանի օր տևած դադարից հետո վերսկսվել են վթարված նավերից անօրինական ներգաղթյալներին օգնություն ցուցաբերելու գործողությունները։ Ինչպես հայտնում է ANSA գործակալությունը, միայն հինգշաբթի Իտալիայի առափնյա պահպանության մոտորանավակներն ու ռազմածովային ուժերի նավերը փրկել են 1300 փախստականների, որոնց թվում եղել են բազմաթիվ կանայք ու երեխաներ։
Անօրինական ներգաղթյալները գտնվել են 4 նավակներում՝ լիբիական ափերից մոտ 60 կմ հեռավորության վրա։
Բացի այդ, Սիցիլիայի Կատանիա քաղաքի նավահանգստին է մոտենում բրիտանական ռազմանավ՝ փրկված 617 փախստականներով։
