Գերմանացի լրագրողները Ռուսաստանին մեղադրել են աշխարհի 2018 թվականի առաջնության անցկացման իրավունքն անօրինական ճանապարհով ստանալու մեջ: Այդ մասին հայտնել է ARD հեռուստաընկերությունը:
Մասնավորապես, քննադատվել է ՖԻՖԱ-ի հետազոտությունը, որի ժամանակ վնասվել են «Ռուսաստան-2018» կոմիտեի բոլոր համակարգիչները: Լրագրողների կարծիքով` դա է պատճառը, որ չեն գտնվել կոռուպցիայի հետքերը:
Քննադատության է ենթարկվել նաև ՖԻՖԱ-ի նախագահ Յոզեֆ Բլատերը, ով մեղադրվում է Ուկրաինայում տիրող իրավիճակը թաքցնելու և Քաթարում մարդու իրավունքների խախտման խնդիրն անուշադրության մատնելու մեջ:
Հետաքննությունը տևել է շուրջ մեկ տարի, որի ընթացքում հարցաքննվել են կազմակերպության 75 աշխատակիցներ և 200 հազար էջից բաղկացած գործ է կազմվել: ՖԻՖԱ-ն, սակայն, հայտարարել է, որ ընտրության ընթացքի շուրջ խախտումներ չեն հայտնաբերվել:
