«Գազպրոմը» մի քանի ամիսների բանակցություններից հետո համաձայնել է զեղչեր անել թուրքական մասնավոր ընկերությունների համար, որոնց բաժին էր հասնում ռուսական գազի ավելի քան մեկ երրորդը: Ինչպես հայտնի է դարձել «Կոմերսանտի» աղբյուրներին, զեղչատոկոսը (դիսկոնտ) կազմել է մոտավորապես 25% առաջին եռամյսակում ու ևս 15%՝ երկրորդում, իսկ մայիսին գազի գինը կիջնի՝ հասնելով մոտ 260 դոլարի 1000 խմ գազի դիմաց:
Սակայն «Գապրոմի» նմանատիպ բանակցությունները Botas պետական ընկերության հետ նախկինի պես փակուղում են, ինչը կասկածի տակ է դնում «Թուրքական հոսք» նախագծի առաջընթացը:
Ինչպես հայտնի է դարձել «Կոմերսանտին», գազի թուրքական մասնավոր ներկրողները՝ Enerco Enerji-ն, Bosphorus gas-ը, Avrasya gaz-ը, Shell-ը, Bati Hatti-ն, Akfel gas ու Kibar Enerji-ն, լարված բանակցություններից հետո կարողացել են հասնել նրան, որ «Գազպրոմը» զեղչեր կատարի: Մինչ այդ ընկերությունները ստիպված էին եղել գազի դիմաց վճարել 2014թ. գնով՝ 1000 խմ-ի դիմաց 374 դոլար, ինչը զգալիորեն գերազանցում է Եվրոպայում ընթացիկ շուկայական մակարդակը:
Պայմանագրում փոփոխվել է նաև գնագոյացումը՝ ֆիքսված գնի փոխարեն, որը գործում էր 2014-ին, կողմերը վերադարձել են նավթային ինդեքսացիային:
Նոր համաձայնագիրը կգործի հետին թվով՝ հունվարի 1-ից մինչև տարեվերջ, այսինքն՝ «Գազպրոմը» պետք է ներկրողներին վերադարձնի արդեն կատարված վճարումների մի մասը՝ 250-300 մլն դոլար:
Ռուսական գազի ընդհանուր ժավալը, համաձայն մասնավոր ներկրողների համաձայնագրի, տարեկան կազմում է 10 մլրդ խմ, որը հասնում է Տրանսբալկանյան գազատարով՝ Ուկրաինայի միջոցով:
2014թ. Թուրքիան «Գազպրոմից» գնել է 27.3 մլրդ խմ գազ, սակայն հիմնական ծավալը բաժին է ընկել Botas-ին:
