Օքսֆորդի համալսարանի վարչակազմը որոշում է կայացրել ժամանակավորապես արգելափակել Google Docs-ն իր համալսարանական քաղաքում:
Ինչպես հաղորդում է Vesti-ն՝ վկայակոչելով համալսարանի համակարգչային ծառայությանը, ծառայությունը հաճախ օգտագործվել է ֆիշինգ հարձակումների համար, որոնք սպառնում են համակարգի անվտանգությանը և ուսանողների տվյալներին:
Վերջին մի քանի տարիներին համալսարանը պայքարում է ֆիշինգային հարձակումների դեմ, որոնք հավաքոււմ են փոստաարկղերի տվյալներ և, որպես կանոն, դրանք օգտագործում են սփամ ուղարկելու համար:
Համալսարանում հաղորդում են, որ վերջին մի քանի շաբաթների ընթացքում կտրուկ աճել է ֆիշինգ ակտիվությունը: Դա ոչ միայն վատ նորություն է ուսանողների և դասախոսների համար, այլև սփամը կարող է ազդել նաև համալսարանի հեղինակության վրա էելկտրոնային փոստի համակարգի այլ մատակարարների մոտ, ինչպիսիք են Gmail-ը, Hotmail-ը, Yahoo-ն: Փոստային հաճախորդները կարող են արգելափակել Օքսֆորդի հաշիվներից եկող հաղորդագրությունները:
Քանի որ հարձակման ժամանակ օգտագործվել են Google Docs-ի URL հասցեներ, համալսարանը որոշել է ժամանակավորապես արգելափակել համակարգը:
Համալսարանի համակարգչային բաժինը ներողություն է խնդրել անջատման համար, սակայն պարզաբանել է, որ միշտ պետք է հաշվի առնել ընդհանուր ռիսկը և հետևաբար, համանման միջոցներ կարող են ձեռնարկվել նաև ապագայում: