Ռեժիսոր Քվենտին Տարանտինոն կնկարահանվի դասական վեսթերնների իտալացի ռեժիսոր Էնցո Ջ. Կաստելարիի մոտ,- հաղորդում է Hollywood Reporter-ը:
Տարանտինոյի մասնակցության մասին մամուլում հայտարարել է անձամբ Կաստելարին՝ նշելով, որ իր գործընկերը կխաղա էպիզոդիկ դերում: Բացի այդ՝ նախագծում ներգրավված է նաև իտալացի հայտնի դերասան Ֆրանկո Ներոն:
Ռեժիսորը ֆիլմի սյուժեն չի հրապարակում: Հայտնի է միայն, որ այն կնհարահանվի վեսթերնի ժանրում:
Նշենք, որ Ֆրանկո Ներոն Տարանտինոյի սիրած դերասաններից է: Նա նկարահանվել է Սերջիո Կորբուչիի «Ջանգո» (1966) վեսթերնում, որն էլ ոգեշնչման աղբյուր է եղել «Ազատագրված Ջանգոն» ֆիլմի համար: Ներոն ու Տարանտինոնոն երևում են «Ազատագրված Ջանգոն» ֆիլմի էպիզոդներում:
Իր հերթին, Էնցո Ջ. Կաստելարին հայտնի է որպես վեսթերնների բեմադրիչ: Նա նկարահանել է «7 վեսթեռն ճակատամարտի համար» (1967), «Գնա… սպանիր ու վերադարձիր» (1967), «Սպանիր նրանց բոլորին ու վերադարձիր մենակ» (1968):
