Հանրապետական կուսակցության համար լրագրողի պրոֆեսիոնալ աշխատանքի նկատմամբ ցանկացած փոքրիկ բռնություն անընդունելի է: Հանրապետական կուսակցության մամլո խոսնակ, ԱԺ փոխխոսնակ Էդուարդ Շարմազանովը նշեց, որ թեև տեղյակ չէ, թե այսօր ինչ է տեղի ունեցել «Մետաքս» թաղամասում, իր և կուսակցության դիրքորոշումը շատ պարզ է: Ըստ նրա՝ ցանկացած իրավախախտում, լրագրողի պրոֆեսիոնալ գործունեության դեմ ուղղված ցանկացած ոտնձգություն դատապարտելի է:
«Կարծում եմ՝ իրավապահ մարմինների խնդիրն է գործի ամբողջ քննությունը շարունակել և պարզել, թե իրականում ինչ է եղել, բայց մեր քաղաքական փիլիսոփայությունը հենց նրանումն է՝ լրագրողի աշխատանքի նկատմամբ ցանկացած բռնություն, ցանկացած խոչընդոտում և ցանկացած փոքրիկ մի բռնություն ազատ խոսքի նկատմամբ բացարձակապես ընդունելի է»,- ասաց Էդուարդ Շարմազանովը:
Հիշեցնենք, որ այսօր «Մետաքս»-ի մոտ գտնվող՝ նախագահի թեկնածու Սերժ Սարգսյանի նախընտրական շտաբի մոտ բռնության են ենթարկել «Առաջին լրատվական» կայքի լրագրողուհի Մարինե Խառատյանին, այնուհետև խլել տեսանկարահանող սարքը և ասել. «Սիկտիր էղեք տարածքից»: Նշենք, որ լրագրողուհին փորձել էր իր լրագրողական աշխատանքն անել՝ զրուցել շտաբի ղեկավարի հետ նախագահական ընտրությունների ընթացքի շուրջ:
