Մի խումբ քաղաքացիական ակտիվիստներ նստացույց են հայտարարել ԿԸՀ-ի դիմաց:
Նրանց տարածած հաղորդագրության մեջ, մասնավորապես, ասվում է.
«Նախորդ բոլոր ընտրությունները ցույց են տվել, որ Հայաստանում ընտրությունները չեն արտահայտում ժողովրդի կամքը:
Այսօր ականատես ենք լինում հերթական կեղծ ընտրություններին:
Գտնում ենք, որ հանրության միասնական գործողությունների միջոցով է հնարավոր հաստատել քաղաքացու ընտրական իրավունքը և իշխանությունը վերադարձնել ժողովրդին:
Որպես մեր դիրքորոշման արտահայտում կեղծ ընտրությունների վերաբերյալ՝ հայտարարում ենք նստացույց: Նստացույցին փետրվարի 19-ին կհետևի ակցիա ԿԸՀ դիմաց, որով կարտահայտվի մեր վրդովմունքը՝ Հայաստանում չծնված ժողովրդավարության վախճանի կապակցությամբ:
Բոլոր այն քաղաքացիներին, ովքեր չեն ընդունում կեղծ ընտրությունները և դրա միջոցով վերարտադրվող ապօրինի ռեժիմը, կոչ ենք անում այսօր և վաղը հավաքվել Գիտությունների Ազգային Ակադեմիայի դիմաց»:
Հայտարարությունը ստորագրել են`
Դավիթ Հարությունյանը
Կարեն Հարությունյանը
Միհրան Մարգարյանը
Վահագն Մինասյանը
Սարո Սարոյանը:
