Նոր ուսումնասիրությունը պարզել է, որ ինչքան խոշոր է ղեկավարի ձեռագիրը, այնքան շատ է նա տառապում ինքնահավանությամբ: Դրանից բացի, նա կստիպի իր աշխատողներին մինչև վերջին շունչը աշխատել:
Հյուսիսային Կառոլինայի համալսարանի գիտնականների կողմից կատարված ուսումնասիրությունը ցույց է տվել, որ այդ ղեկավարները կանխակալ վերաբերմունք ունեն ուրիշների հնարավորությունների և արտադրողականության հանդեպ: Դա նշանակում է, որ որպես ղեկավարներ, նրանք այնքան էլ լավը չեն, սակայն կարողանում են լավ կողմից ցուցադրել իրենց հնարավորությունները և համոզել, որ իրենք իզուր չեն աշխատում այդ պաշտոնում ու այդքան բարձր աշխատավարձ ստանում: Ուսումնասիրությունները կատարվել են համակարգչային ծրագրի օգնությամբ որտեղ մուտքագրվել են ստորագրություններով ձեռագրեր:
Գիտնականներն իրենց ուսումնասիրությունում հիմնվել են նախկինում արված հոգեբանական ուսումնասիրության վրա, համաձայն որի՝ ինչքան խոշոր է ձեռագիրը, այնքան մարդու մոտ մեծացված է էգոն: Խոշոր ձեռագրով ղեկավարները շատ ներդրումներ են անում, սակայն իրենց աշխատողներին շատ քիչ են վճարում: Դրանից բացի՝ նրանք ցուցադրում են վատագույն արտադրողականություն:
