Իսպանիայով մեկ զանգվածային ցույցեր են անցկացվել: Ցուցարարները պահանջել են օրենք ընդունել, որը կարգելի պարտքերի դիմաց բնակարանի առգրավումը: Մադրիդի փողոցներով հազարավոր մարդիկ են անցել՝վանկարկելով «Մենք տուն չունենք»: Այս մասին հայտնում է Vesti-ն:
Ակցիայի պատճառը ֆինանսական ճգնաժամն է ու կառավարության անցկացրած տնտեսական կոշտ միջոցառումները: 2008 թվականից իշխանությունները պարտքերի պատճառով առգրավել են ավելի քան 400 հազար ընտանիքի բնակարան:
Շահագործումների և աղքատության դեմ բողոքի ցույց է անցկացվել նաև Պորտուգալիայում: Հանրահավաքի մասնակիցները դժգոհել են աշխատավարձերի և կենսաթոշակների կրճատումներից, ինչպես նաև բարձր հարկերից: Նրանք կառավարությունից պահանջում են մեծացնել սոցիալական ծախսերը, առաջին հերթին՝ գործազուրկների աջակցման համար հավելյալ միջոցներ հատկացնել:
