Պակիստանի Բելուջիստան գավառի Քվետա քաղաքի արվարձաններից մեկի շուկայում երեկ տեղի ունեցած ահաբեկչության զոհերի թիվը հասել է 84-ի և շարունակում է աճել: Այս մասին հայտնում է Բելուջիստան գավառի ՆԳՆ բաժանմունքը՝ փոխանցում է Rosbalt-ը:
Տուժածների թիվը գերազանցում է 250-ը: Քվետայի փրկարար ծառայությունները տուժածներին շտապ բուժօգնություն են ցուցաբերում: Արդեն պատրաստվում է տուժածների տեղափոխումը Կարաչի մեգապոլիսի հիվանդանոցներ:
Ավելի վաղ հաղորդվում էր 63 զոհի և 200 տուժածի մասին:
Ահաբեկչության զոհերի հիշատակին այսօր Բելուջիստանում սգո օր է հայտարարված: Զոհվածները շիայական համայնքի ներկայացուցիչներ են: Նշենք, որ շիաները երկրում փոքրամասնություն են կազմում:
Պայթյունը գետնին է հավասարեցրել 60-ից ավելի առևտրի կետ: Փլատակների տակ են հայտնվել տասնյակ մարդիկ:
Ավտոմեքենայի վերափոխված մոտոցիկլետում տեղակայված պայթուցիկ սարքը գործարկվել է հեռակառավարմամբ:
Դեռևս ոչ ոք չի ստանձնել ահաբեկչության պատասխանատվությունը:
