Հունաստանը մտադիր է հաջորդ շաբաթվա սկզբին էներգետիկայի վերաբերյալ համաձայնագիր ստորագրել Ռուսաստանի հետ։ Այս մասին հայտնում է Spiegel-Online-ը։
Համաձայնագիրը կարող է սնանկության սպառնալիքի առջև հայտնված երկրի գանձարան բերել 3-5 մլրդ եվրո՝ հայտնում է պարբերականը։
Գումարը կստացվի նախապես՝ Հունաստանի տարածքում «Թուրքական հոսք» գազատարի կառուցման համար։
Սպասվում է, որ համաձայնագիրը կարող է ստորագրվել երեքշաբթի։ Պայմանագրի մանրամասները քննարկվել են վերջերս Ռուսաստանի նախագահ Վլադիմիր Պուտինի հետ Հունաստանի վարչապետ Ալեքսիս Ցիպրասի հանդիպման ժամանակ։
Հաղորդվում է, որ խողովակաշարը կարող է կառուցվել 2019-ին։
