Հարավաֆրիկյան դատավոր Ջերի Նելը հայտարարել է, որ անդամալույծ վազորդ Օսկար Պիստորիուսի ընկերուհու սպանությունը միտումնավոր է եղել: Եթե դա ապացուցվի, ապա Պիստորիուսի համար բարդ կլինի ազատվել նախնական կալանքից:
Հիշեցնենք, որ 30-ամյա մոդել Ռիվա Ստենկամպի սպանությունը կատարվել է փետրվարի 14-ի գիշերը: Նախնական վարկածի համաձայն` Պիստորիուսը ընկերուհուն շփոթել է գողերի հետ և կրակել նրա վրա:
Սակայն ոստիկանությունը չի հաստատել այդ վարկածը: Beeld պարբերականը հայտնել է, որ սպանությունից 2 ժամ առաջ վազորդի հարևանները ոստիկանություն են զանգահարել` Պիստորիուսի և նրա ընկերուհու աղմկոտ վիճաբանությունը հանդարտեցնելու նպատակով:
