Մայրս երազել է, որ ՀՀ-ն լինի ազատ, անկախ, իրավական, սահմանադրական երկիր, և ինձ որպես պաշտոնյա չի կրթել. այսօր լրագրողների հետ հանդիպման ժամանակ ասաց ՀՀ նախագահի թեկնածու, «Ժառանգություն» կուսակցության ղեկավար Րաֆֆի Հովհաննիսյանը՝ պատասխանելով լրագրողի հարցին՝ իր մայրը երազե՞լ է, որ Րաֆֆի Հովհաննիսյանը դառնա նախագահ:
«Մայրս երազել է, որ Հայաստանը լինի ազատ, անկախ, իրավական, սահմանադրական երկիր: Այդ բոլոր ածականները Հայաստանին չեն վերաբերում, բայց պետք է այնպես անենք, որ այդ ակնկալիքներն իրականանան: Ես չեմ լսել նման ցանկություն, բայց ինքը ինձ չի կրթել պաշտոն ստանձնելու համար, այլ լավ քաղաքացի լինելու, ՀՀ վերադառնալու համար»,- ասաց Րաֆֆի Հովհաննիսյանը:
Լուսանկարը՝ PanARMENIAN Photo-ի