Ամերիկացի գիտնականները ապացույցներ են հայտնաբերել, որ ծնվելիս երեխային տրված անվան և ապագայոմ նրա վարքագծի միջև կապ գոյություն ունի: Մասնագետները կարծում են, որ երեխաներին հարկավոր չէ որոշ անուններով կնքել:
«Անունը, որը տալիս եք երեխային, իրականում է կազդի նրա հետագա կյանքի վրա, և դրանում ոչ մի խորհրդավոր բան չկա»,- գիտնականներին մեջբերում է Huffington Post-ը: Հոգեբանների կարծիքով՝ իր անունը մարդը ամենից հաճախ է լսում և գրում:
Փորձագետների խոսքերով՝ նման կերպ իրականացվում է «թաքնված էգոիզմ» հոգեբանական ֆենոմենը: Օրինակ, նկատվել է, որ մարդիկ ավելի հաճախ գնում են այն ապրանքներն ու մթերքները, որոնք համահունչ են իրենց անվան հետ: Հաճախ նման կերպ է ընտրվում նաև մասնագիտությունն ու բնակավայրը:
Գիտնականների վերլուծությունները ցույց են տվել նաև, որ արիստոկրատ և հին անուններով երեխաների վրա դպրոցում ուսուցիչները ավելի մեծ ուշադրություն են դարձնում, իսկ մեծանալիս նրանք միջինը 26%-ով ավելի մեծ աշխատավարձ են ստանում, քան ավելի պարզ անունների տերերը:
Ուսումնասիրողները կարծում են, որ երեխաներին հարկավոր չէ կնքել այնպիսի անուններով, որոնց պատճառով նրանց վրա դպրոցում կարող են ծիծաղել կամ ծաղրել: Նման դեպքերը կարող են մարդու կյանքի վրա ծայրահեղ բացասական ազդեցություն թողնել:
