17 իսլամիստ զինյալ-անջատողականներ են զոհվել Թաիլանդի կառավարական զորքերի հետ հակամարտության ողջ պատմության խոշորագույն մարտում, չորեքշաբթի օրը հայտարարել է Թաիլանդի զինված ուժերի էթնո-կրոնական հակամարտության հարցերով պաշտոնական ներկայացուցիչ գնդապետ Պրամոտ Պրոմ-Ինը:
Նրա խոսքով՝ ավտոմատներով և նռնականետներով զինված հարյուրից ավելի զինյալ չորեքշաբթի առավոտյան հարձակվել են ծովային հետևակի դիրքի վրա, որտեղ եղել է 60 զինվոր: Նա հայտնել է, որ զինյալների հագին եղել է «առանց տարբերանշանների և զրահաբաճկոնի զինվորական համազգեստ»:
Գնդապետն ավելացրել է, որ ծովային հետևակայինները «պատրաստ են եղել հարձակմանը, քանի որ հետախուզությունը հարձակումից օրեր առաջ տեղի բնակիչներից տեղեկացել է պատրաստվող հարձակման մասին»: Փոխհրաձգության ավարտից մի քանի ժամ անց համացանցում հայտնվել են բոլոր զոհված զինյալների հստակ լուսանկարները:
2004-ին տարածաշրջանում ինտենսիվ հակամարտություն է սկսվել կառավարական զորքերի և ծայրամասային հարավի մասին իսլամիստ զինյալների միջև: Հակամարտության ընթացքում ահաբեկչությունների և փոխհրաձգությունների հետևանքով Թաիլանդի հարավում զոհվել է ավելի քան 5000 մարդ՝ ինչպես քաղաքացիական անձինք, այնպես էլ՝ զինվորականներ,- հայտնում է RIA Novosti-ն:
