Իրանն ու լիբանանյան «Հըզբոլլահ» շարժումը Սիրիայում ստեղծում են աշխարհազորայինների ցանցեր՝ Ասադի կառավարության տապալման դեպքում իրենց շահերի պահպանության նպատակով:Նման կարծիք են հնչեցրել ԱՄՆ-ի և Մերձավոր Արևելքի որոշ պաշտոնյաները,- փոխանցում է The Washington Post-ը:
Աշխարհազորայինները Սիրիայի կառավարական զորքերին զուգահեռ կռվում են՝ պահպանելու Ասադի ռեժիմը: Օբամայի վարչակազմի բարձրաստիճան ներկայացուցչի խոսքով՝ Թեհրանը 50 հազար աշխարհազորային ունի Սիրիայում, և դա մեծ օպերացիա է ոչ միայն հաջակցություն սիրիական ռեժիմի, այլև հօգուտ իրանական շահերի: Նրա կարծիքին համաձայել են Մերձավոր Արևելքի որոշ պաշտոնյաներ:
Սիրիայի հնարավոր մասնատումը էթնիկ և աղանդավորական անկլավների լրջորեն անհանգստացրել է հարևան պետություններին, քանի որ Սիրիայի քաղաքացիական պատերազմը թևակոխում է երրորդ տարին, դրան զուգահեռ քաղաքական լուծման նշույլ չի երևում: