Ուկրաինացիները զանգվածայնորեն ստուգում են իրենց երկրորդ կեսերի հավատարմությունը խուզարկուների միջոցով: Այս երևույթը հատկապես հայտնի է Դնեպրոպետրովսկում: Նման ծառայությունը՝ լուսանկարով և տեսագրությամբ արժե 300-3000 դոլար: Նման գործունեություն են ծավալում հիմնականում հատուկ ծառայությունների նախկին աշխատակիցները: Այս մասին հայտնել է «Որոնման սեկտոր» գործակալության տնօրեն Դմիտրի Դիդենկոն:
«Դա «պատահական ծանոթություն է», որը մենք իրականացնում ենք դերասանների օգնությամբ: Նրանց ընտրում են հատուկ ծառայությունների նախկին աշխատակիցները: Ծանոթության վայրը կախված է մարդու սոցիալական կարգավիճակից: Գործողությունների իրականացման ժամկետը 1.5-2 ամիս է: Սակայն սկզբում մեզ անհրաժեշտ է մեկ շաբաթ՝ հասկանալու համար՝ հնարավոր է այն իրականացնել թե ոչ: Հնարավոր է, տվյալ մարդուն չի հետաքրքրում նման ծանոթությունը»:
Իրավաբանները, սակայն, պնդում են, որ խուզարկուական գործակալությունների գործունեությունը օրինական չէ:
«Ըստ անձնական կյանքի գաղտնիքի պահպանման օրենքի՝ արգելված է անհատական տեղեկություն հավաքել և տարածել՝ առանց տվյալ մարդու համաձայնության: Այդ մարդիկ կարող են դատարան դիմել: Սակայն բարդ է ապացուցելը, թե ով է իրականացրել այդ աշխատանքը»,- ասում է իրավաբանը:
