Այսօր կայացան Հայաստանի առաջնության 4-րդ տուրի «Միկա»-«Իմպուլս» և «Արարատ»-«Գանձասար» հանդիպումները:
«Միկա»-ն հերթական գոլառատ հանդիպումն անցկացրեց: Արմեն Շահգելդյանի սաները սեփական հարկի տակ 3:2 հաշվով պարտության մատնեցին դիլիջանյան ակումբին, «Միկա»-ից գոլերի հեղինակներ դարձան Կոնստանտին Մադրիչենկոն (13), Նարեկ Բեգլարյանը (61) և Ալեքսը (74): «Իմպուլս»-ի կազմում աչքի ընկան Աղվան Հայրապետյանն (34) ու Զավեն Բադոյանը (56):
Այս հաղթանակից հետո «Միկա»-ն վաստակեց 8 միավոր և «Գանձասար»-ի հետ գլխավորում է մրցաշարային աղյուսակը:
Կապանցիներն, իրենց հերթին, հյուրընկալվելիս պարտության մատնեցին «Արարատ»-ին: Հանդիպման միակ գնդակը` 71-րդ րոպեին խփեց «Գանձասար»-ի սերբ լեգեոներ Վլադիմիր Մատիչը:
4-րդ տուրի ևս երկու հանդիպում` «Բանանց»-«Փյունիկ» և «Շիրակ»-«Ուլիս», կկայանան վաղը: «Ուլիս»-ը հաղթանակի դեպքում կվաստակի 10 միավոր և միանձնյա կգլխավորի մրցաշարային աղյուսակը:
