Ներքին Սաքսոնիայի արդարադատության նախարար Բերնդ Բուզեմանին բռնել են հարբած ավտոմեքենա վարելիս, գրում է հրատարակչությունը: Bild-ի տվյալներով՝ 60-ամյա քաղաքական գործչին կանգնեցրել է Հաննովերի ոստիկանությունը:
Բուզեմանն այդ ժամանակ ծառայողական Audi A8 ավտոմեքենա է վարելիս եղել: Ստուգումը նախարարի արյան մեջ ալկոհոլ է հայտնաբերել:
Այդ օրը Բուզեմանին ընտրել են Ներքին Սաքսոնիայի խորհրդարանի խոսնակ: Հավանաբար, երեկոյան նա որոշել է նշել իր հաջողությունը: Սակայն պարզ չէ, թե ինչու էր նա ղեկին նստել, այլ ոչ թե օգտվել վարորդի ծառայություններից:
Հաջորդ օրը Bild-ին տված հարցազրույցում Բուզեմանը զղջացել է իր արարքի համար: Նա բացատրել է, որ երեկոյան գարեջուր է խմել, սակայն համոզված է եղել, որ կկարողանա վարել ավտոմեքենան: Հինգշաբթի օրը նա հրապարակային ներողություն է խնդրել օրենքը խախտելու համար, գրում է Die Welt-ը:
Գերմանական օրենքի համաձայն՝ նախարարին մեկ ամսով կարգելվի ավտոմեքենա վարել, ինչպես նաև նա պարտավոր է 500 եվրո տուգանք վճարել:
