Հայաստանն ու Վրաստանը միացնող էլեկտրաբաշխիչ լարի շինարարությունը խթան է ստանում՝ շնորհիվ 95.2 մլն եվրո արժեքով փոխառնության։ Այս մասին փոխանցում է Asbarez-ը։
Եվրոպական ներդրումային բանկի փոխանցմամբ՝ ֆինանսական հաստատությունը նախագծի համար տրամադրում է 10 մլն եվրո, մինչդեռ գերմանական KfW բանկը՝ 85.2 մլն եվրո։
Միջոցները կօգտագործվեն էլեկտրահաղորդման նոր գծի և երկու երկրների միջև բարձր լարման կայանի կառուցման համար, որը կհամապատասխանի էլեկտրաէներգիայի աճող պահանջներին։
Եվրոպական ներդրումային բանկի փոխնախագահ Վիլհելմ Մոլտերերի խոսքով, ով պատասխանատու է Հայաստանին փոխառնություն տրամադրելու համար, նախագիծը կխթանի նաև տարածաշրջանային առևտրին, կմեծացնի հիդրոէներգետիկայի կիրառության ներուժը և կհեշտացնի օտարերկրյա ուղիղ ներդրումները։
Ընդհանուր առմամբ «Կովկասյան էլեկտրագծեր» ծրագիրն արժե 320 մլն եվրո՝ երկուշաբթի ասել է Հայաստանի էներգետիկայի և բնական պաշարների նախարար Երվանդ Զախարյանը։ Նրա խոսքով՝ ծրագիրը կիրականացվի 3 փուլով։ Առաջին փուլն սկսվել է 2014-ին և կավարտվի 2018-ին, երկրորդը կավարտվի 2021-ին, իսկ երրորդը՝ 2026 թվականին։ Նշվում է, որ առաջին փուլում Հայաստանի և Վրաստանի էներգետիկ համակարգերը կմիավորվեն բարձր լարման ուղիղ հոսանքի գծով, որը կկառուցվի Այրումում։ Նախագծի առաջին փուլի ընդհանուր արժեքը կազմում է 105.2 մլն եվրո։
KfW-ի ներկայացուցիչների խոսքով՝ նախագիծը Հայաստանի և Վրաստանի էներգետիկ անվտանգությունը դուրս կբերի նոր մակարդակ։
KfW բանկի էներգետիկ դեպարտամենտի ղեկավար Յան Բլումի խոսքով՝ ԵՄ-ի ներգրավվածությունը նախագծում վկայությունն է այն բանի, որ ԵՄ-ն, որպես խոշոր դոնոր, պատրաստ է շարունակել աջակցել Հայաստանին ներդրումային նախագծերի և զարգացման ծրագրերի շրջանակում։
