Մադրիդի «Ռեալ»-ի հարձակվող Քրիշտիանու Ռոնալդուն չի թաքցնում, որ հիասթափվել է տարվա լավագույն ֆուտբոլիստի տիտղոսին չարժանանալու պատճառով: Հիշեցնենք` «Ոսկե գնդակ»-ը հերթական անգամ բաժին ընկավ Լիոնել Մեսսիին:
«Իհարկե, հուսով էի, որ «Ռեալ»-ի կազմում հիանալի մրցաշրջան անցկացնելուց հետո կարժանանամ պատվավոր տիտղոսին: Ցավոք, դա տեղի չունեցավ: Սակայն ես չեմ կարող կենտրոնանալ անհատական պարգևների վրա: Այդ դեպքում ես ինձ երբեք երջանիկ չէի զգա: Իմ նպատակն այն է, որ օգտակար լինեմ թիմիս և լավ հարաբերությունների մեջ լինեմ երկրպագուների հետ:
Այն, որ Ցյուրիխում Մեսսին իր խոսքում չհիշատակեց իմ անունը, ինձ բացարձակապես չզարմացրեց: Չէ՞ որ նա չի գրել իմ անունը աշխարհի լավագույն 3 ֆուտբոլիստների ցուցակում: Կրկնում եմ` զարմացած չեմ Մեսսիի պահվածքից»,- իսպանական լրատվամիջոցները մեջբերում են Ռոնալդուի խոսքերը:
