Այսօր Շիրակի մարզի 5 համայնքներում՝ Հառիճում, Անուշավանում, Սարակապում, Կարմրավանում ու Արփենիում ՏԻՄ ընտրություններ էին: Եթե Հառիճում, Սարակապում ու Անուշավանում միակ թեկնածուները գործող գյուղապետերն էին, ապա Աշոցքի տարածաշրջանի Արփենի ու Կարմրավան գյուղերում միմյանց դեմ էին դուրս եկել հարազատ եղբայրներն ու հորեղբոր որդիները:
Ինչպես Aravot.am-ի հետ զրույցում տեղեկացրել է Շիրակի մարզպետարանի տարածքային վարչության տեղական ինքնակառավարման և համայնքային ծառայության հարցերի բաժնի պետ Ռուբեն Հարությունյանը Արփենիում գործող գյուղապետ, ՀՀԿ-ական Արսեն Անդրանիկի Առաքելյանին հաղթել է նրա հարազատ եղբայրը՝ Վահագն Առաքելյանը, որը անկուսակցական է:
Մարզպետարանի պաշտոնյան հավաստիացնում է, որ այս երկու եղբայրների միջև որևէ կոնֆլիկտ չկա, պարզապես գործող գյուղապետը չէր ուզում այլևս պաշտոնավարել:
Արփենին , ըստ մարզպետարանի պաշտոնյայի, ունի 356 բնակիչ, որից 278-ն ունեն ընտրելու իրավունք: Ընտրություններին մասնակցել են 131 հոգի, եղբայրներից գործող գյուղապետը ստացել է 35 ձայն, իսկ մյուսը՝ 96 ձայն:
Աշոցքի տարածաշրջանի մեկ այլ գյուղում՝ Կարմրավանում թեժ, կատաղի պայքար էր սկսվել երկու հարազատ հորեղբոր որդիների միջև, որոնք երկուսն էլ Հանրապետական են. գործող գյուղապետ Ֆելիքս Հարությունյանի և Մանուկ (գյուղում առավել հայտնի է Մակեդոն անվամբ), Հարությունյանի միջև:
Ամբողջական` սկզբնաղբյուր կայքում
