toneto.net-ը հիշեցնում է դերասանուհիների, ովքեր գլխավոր դեր են խաղացել ոչ միայն կինոյում, այլև հենց ռեժիսորի կյանքում:
Վուդի Ալեն և Դայան Քիթոն: Քիթոնը խաղացել է Ալենի 4 գլխավոր ֆիլմերում՝ «Քնածը», «Սեր և մահ», «Էննի Հոլլ» և «Մանհեթեն»: Դայանն Ալենի մուսան է դարձել էկրանին և կյանքում:
Քիթոնն ու Ալենը պաշտոնապես չեն հաստատել իրենց հարաբերությունները:
Ժան-Լյուկ Գոդար և Աննա Կարինա: Աննա Կարինան գնացել էր Փարիզը գրավելու 16 տարեկանում՝ ֆրանսերեն ոչ մի բառ չիմանալով: Մի քանի տարի հետո նա դառնում է ֆրանսիական կինոյի գլխավոր դերասանուհիներից մեկը՝ միայն Գոդարի հետ աշխատելով 7 ֆիլմի վրա:
Գոդարն ու Կարինան ամուսնացել են առաջին համատեղ ֆիլմից հետո՝ միասին ապրելով մեկ տարով պակաս, քան համատեղ ֆիլմեր են ստեղծել:
Քվենտին Տարանտինո և Ումա Թուրման: Մայիսին շշուկներ էին շրջանառվում, որ Տարանտինոն և Թուրմանը միասին են: Շշուկների տեղիք է տվել հենց աստղերի պահվածքը, որոնք Կաննի կինոփառատոնի կարմիր գորգի վրա գրկված էին և իրենց զույգի նման էին պահում: Պարզվեց, սակայն, որ ամեն ինչ սովորական «նախանձի» դրսևորում էր. իրար 20 տարի ճանաչելով ու միասին աշխատելով («Քրեական ընթերցվածք», «Սպանել Բիլին 1, 2»)՝ կարելի է իրեն թույլ տալ աշխարհին խաբել ինչպես ուզես:
Ռոման Պոլանսկի և Շերոն Թեյթ: Նրանք ծանոթացել են Լոնդոնում և որոշ ժամանկ հետո սիրեկաններ են դարձել: Ավելի ուշ Թեյթը խաղացել է Պոլանսկու «Վամպիրների պարահանդեսում»:
Զույգը 60-ականների վերջի հոլիվուդյան ամենավառ զույգերից է եղել: Շուտով նրանք ամուսնացել են, Թեյթը հղի է եղել:
1969 թ. իրագործվել է ԱՄՆ-ի պատմության ամենաարյունոտ հանցագործություններից մեկը. Թեյթը դարձել է Չարլզ Մենսոնի «ընտանիքի» զոհը:
