Կլեոպատրան միջատներից և ծաղիկներից պատրաստված փոշի էր օգտագործում, որպեսզի ալ կարմիր բալզամ ստանար: Մերիլին Մոնրոն Guerlain-ի Rouge Diabolique շրթներկ էր օգտագործում, որը հինգ շերտով էր քսում, իսկ վրայից՝ վազելին:
Elle.ru-ն ներկայացնում է կարմիր շրթներկի մասին այն հայտնիների արտահայտությունները, ովքեր իրենց կերպարն առանց դրա չեն պատկերացնում:
«Քանի որ կարմիրը արյան գույնն է, իսկ դրանից մեր մեջ շատ կա, հարկավոր է արտաքինից այն քիչ ցուցադրել»,- ասել է Կոկո Շանելը:
«Չգիտեմ՝ ինչու, վառ շուրթերով ինձ ավելի լավ եմ զգում: Հնարավոր է, դա արդեն կախվածություն է»,- մեջբերում է պարբերականը Քրիստինա Ագիլերայի խոսքերը:
«Շրթներկը զենք է: Ինձ դա մայրս է սովորեցրել: Եթե դու անհաջող օր ես ունեցել, ապա կարմիր շրթներկ օգտագործիր, և տրամադրությունդ կլավանա: Ես ինքս այդպես եմ անում»,-պատմում է Կիրա Նայթլին:
«Գեղեցկությունն ինձ համար սեփական մաշկի մեջ հարմարավետ զգալն է կամ շքեղ կարմիր շրթներկ օգտագործելը»,- ասում է Գվինեթ Փելթրոուն:
«Ես կարծում եմ, որ կարմիր շրթներկը ամբողջական է դարձնում կերպարը: Այն շատ զարդեր և չափազանց վառ հագուստներ չի պահանջում: Զարմանալի է, թե ինչպես է այն միանգամից ձեզ վառ և գայթակղիչ դարձնում»,- խոստովանում է Մարիոն Կոտիյարը:
«Իմ ամուսինը կարմիր շուրթեր է սիրում: Ես հավատարիմ եմ այդ գույնին, որպեսզի իմ սիրելին էլ ինձ հավատարիմ լինի»,-հայտարարել է Գվեն Ստեֆանին:
«Եթե կինը ցանկանում է անհասանելի լինել, սակայն ուշադրություն գրավել, ապա բավական է կարմիր շրթներկ օգտագործի: Ձեզ բոլորը կնկատեն, սակայն կվախենան մոտենալ»,- խորհուրդ է տալիս Էվելինա Խրոմչենկոն:
«Մի քիչ խմիր, վառ ներկիր շուրթերդ և հավաքվիր»,- սա է Էլիզաբեթ Թեյլորի խորհուրդը:
«Ոչինչ այնքան շքեղ չէ, որքան դասական կարմիր շրթներկը: Վառ կարմիր շրթներկերը կարծես վարդի նուրբ թերթեր լինեն: Առանց կարմիր շրթներկի ես միայն յոգայի պարապմունքների եմ հաճախում»,- ասում է Դիթա ֆոն Թիզը:
«Ես հավատում եմ, որ շրթներկով տարան իր մեջ իրական ուժ և կախարդանք է պահում: Իսկ կարմիր շրթներկը գլամուրի գագաթնակետն է: Եթե դուք հոգնել եք, չեք քնել կամ հենց նոր եք իջել ինքնաթիռից, ապա շուրթերը կարմիր ներկեք: Այդ գույնը շրջապատին կշեղի, իսկ ուշադրությունը կկենտրոնացնի միայն շուրթերի վրա»,- խորհուրդ է տալիս Սքարլետ Յոհանսոնը:
«Կարմիր շրթներկը խաբուսիկ է: Այն կարող է վերափոխել աղջկան կամ այլանդակել: Եթե կարմիր շրթներկով գիշերային ակումբ ես պատրաստվում գնալ, ապա հարկավոր է անթերի դիմահարդարում անել, հակառակ դեպքում նկատելի կլինեն բոլոր թերությունները»,- իր կարծիքն է արտահայտում Կառլ Լագերֆիլդը:
«Ես այնքան ուրախացա, երբ շրթներկերը կրկին նորաձև դարձան: Շուրթերի փայլերը երբեք այդքան շքեղ տեսք չեն ունենա, ինչպես շրթներկերը»,- ասել է Շարլիզ Թերոնը:
«Կարմիրը լավ տեսք ունի միայն խնամված շուրթերի վրա: Եթե ես կարևոր արարողության պետք է գնամ, ապա դրանից առաջ գիշերը անպայման շուրթերի փիլինգ եմ անում և փափկեցնող բալզամ եմ քսում»,- իր փորձով կիսվում է Մեգան Ֆոքսը:
«Ես կարմիր շրթներկ շատ եմ սիրում, քանի որ այն ինձ լեգենդար գեղեցկուհիներին է հիշեցնում, ովքեր շատ տարիներ ոգեշնչել են ինձ: Իմ տատիկը նույնպես շատ գեղեցիկ կին էր և նույնիսկ տարեց հասակում կարմիր շրթներկ էր օգտագործում»,- պատմում է Թեյլոր Սվիֆթը:
«Ոչ մի պայմանով տնից դուրս չեմ գա առանց կարմիր շրթներկի և թաց անձեռոցիկի»,- խոստովանում է Քեյթ Բլանշեթը:
«Երբ ես 7 տարեկան էի, փորձում էի նմանվել Մերիլին Մոնրոյին, որն ինձ տատիկիս նման էր թվում: Նրանք երկուսն էլ աչքերի սլաքներ էին անում և կարմիր շրթներկ օգտագործում: Ես ուղղակի պաշտում էի այդ կերպարը, այդ պատճառով էլ փորձում էի տանը կրկնել այն»,- հիշում է Ֆերգին:
«Բոլորի ուշադրություն գրավելու ամենպարզ տարբերակը կարմիր շրթներկ օգտագործելն է »,- ասում է Ռիտա Օրան:
1. Մերիլին Մոնրո
2. Մոնիկա Բելուչի
3. Մեգան Ֆոքս
4. Դաուտցեն Քրեզ
