Երևանի օլիմպիական հերթափոխի պետական մարզական քոլեջում շարունակվում է ծանրամարտի տղամարդկանց Հայաստանի առաջնությունը:
Մեդալներ խաղարկեցին 69 կգ և 77 կգ քաշային կարգի ծանրորդները: 69 կգ քաշային կարգի մեր ծանորոնդների առաջատարը՝ 2014 թ Եվրոպայի առաջնության փոխչեմպիոն 27-ամյա Վանիկ Ավետիսյանը հաստատեց իր բարձր կարգն ու երկամարտի 300 կգ արդյունքով նվաճեց Հայասատանի չեմպիոնի կոչումը:
Երկամարտում նրան համապատասխանաբար 21 կգ և 37 կգ զիջած Զորիկ Պողոսյանն ու Ազատ Հակոբյանը բարձրացան պատվո պատվանդանի 2-րդ և 3-րդ աստիճան:
Ինչպեսև սպասվում էր, բավական հետաքրքիր ու անզիջում պայքար ծավալվեց 77 կգ քաշաին կարգում: Ի վերջո երկամարտում 301 կգ արդյունք արձանագրած պատանիների 2012 թ Եվրոպայի չեմպիոն, 18-ամյա Ժորժ Եղիկյանը արժանացավ ոսկե մեդալի: Նրանից ընդամենը 1 կգ-ով ետ մնացած Ռաֆիկ Օլթեցյանին բաժին հասավ արծաթե մեդալը: Իսկ բրոնզե պարգևը նվաճած Ռոստոմ Կարապետյանը չեմպիոնից ետ մնաց 4 կգ-ով:
Այսօր ստուգատեսի մեդալներ կխաղարկվեն 85 կգ և 94 կգ քաշային կարգերում:
