Չեչնիայի ղեկավար Ռամզան Կադիրովը հայտարարել է, որ Գուդերմեսում կառուցվում է ուսումնական համալիր, որտեղ կպատրաստեն համաշխարհային հատուկջոկատայինների էլիտային: Այս մասին գրում է BBC-ն:
Instagram-ի իր էջում Կադիրովը գրել է, որ քաղաքի արվարձանում կառուցվում են բարձրահարկ շենքեր, ինչպես նաև դպրոցի, հիվանդանոցի, մանկապարտեզի, կինոթատրոնի շենքեր՝ նախատեսված պատանդներին ազատելու պարապմունքներին:
Նա ակնկալում է, որ կենտրոնում կպատրաստեն հատուկջոկատայինների տարբեր տեսակի ստորաբաժանումներ և զորքերի տեսակներ ու հատուկ ծառայություններ՝ ինչպես Ռուսաստանի, այնպես էլ այլ երկրների:
«Չեչնիայի Հանրապետությունը կդառնա հատուկ նշանակության ուժերի պատրաստման համաշխարհային գլխավոր կենտրոններից մեկը»,- խոստացել է նա:
