Ստամբուլի Բեյօղլու շրջանում ոստիկանությունը ձերբակալել է փադիշահերի, սուլթանների և արքայազնների կոստյումներով մարդկանց: Դրամաշորթների խմբերը անցորդներից գումար են պահանջել լուսանկարվելու համար: Այս մասին հայտնում է MK-Turkey-ն:
Սկզբնական շրջանում նման կերպ գումար աշխատողները մի քանիսն էին, սակայն վերջին շաբաթներին նրանց թիվը հասել է մի քանի տասնյակի:
Խմբերը իրենց համար թիրախ էին ընտրել Թաքսիմ հրապարակն ու Իսթիքլյալ պողոտան, որտեղ զբոսաշրջիկների թիվը մեծ է: Չարագործները նախ լուսանկարվել են զբոսաշրջիկների հետ, այնուհետև գումար պահանջել:
Նրանց դեմ մի քանի բողոքներ են ստացվել, որից հետո ոստիկանությունը հանցագործների դեմ օպերացիա է անցկացրել: Կասկածյալները ձերբակալվել են և տեղափոխվել ոստիկանական բաժանմունք: Հանցագործների դեմ տուգանք է սահմանվել: