Նիկոլաս Քեյջը համաձայնել է «Ինդիանապոլիս» հածանավը» ֆիլմում խաղալ գլխավոր դերը, հաղորդում է Variety-ն: Ֆիլմի ռեժիսորը Մարիո վան Փիբլզն է:
Ֆիլմի նկարահանումները կսկսվեն հունիսի 10-ին, իսկ թողարկումը նշանակված է 2016 թ.: Քեյջը «Ինդիանապոլիս» հածանավի նավապետ Չարլզ Բաթլեր Մաքվեյի դերը կխաղա:
1945 թ. հուլիսին Մաքվեյի նավը հարձակման է ենթարկվել ճապոնական սուզանավի կողմից այն բանից հետո, երբ Տինիան կղզի է հասցրել ամերիկյան առաջին միջուկային ռումբի տարրերը: Հենց այդ ռումբն էլ երկու ամիս անց նետվել է Հիրոսիմայի վրա:
Հածանավի 1196 անդամներից 300-ը զոհվել են նավի կործանման օրը: Մնացածները չորս օր շարունակ ծովում են գտնվել՝ պայքարելով ջրազրկման, շնաձկների հաձակումների և աղի ջրից թունավորման դեմ: Կենդանի մնացածներին հայտնաբերել է պարեկ ուղղաթիռը: Հաջողվել է փրկել անձնակազմի ընդամենը 317 անդամների, այդ թվում նաև Մաքվեյին:
Ավելի ուշ կապիտանը դատապարտվել է ռազմական տրիբունալի կողմից ան բանի համար, որ նավը ռիսկի է դիմել: 1949 թ. նա լքել է նավատորմը: Իսկ 1968 թ. ինքնասպան է եղել:
«Ինդիանապոլիսը» ամերիկյան վերջին նավն է, որը սուզվեց Երկրորդ հաաշխարհային պատերազմի տարիներին:
Հածանավի կործանումից 50 տարի անց, երբ Մաքվեյն արդեն մահացած էր, նրա գործը վերանայվել է: Կապիտանը հետմահու ռեաբիլիտացվել է:
