Նախօրեին Լոս Անջելեսում հանձնել են «Գիլդիա». ԱՄՆ-2013 կինոմրցանակը, Ջենիֆեր Լոուրենսը մրցանակ է ստացել «Իմ ընկերը խելագար է» ֆիլմում դերի համար: Սակայն զգեստը` Քրիստիան Դիորից, նրան խանգարել է հանգիստ վերցնել մրցանակը, հայտնում է showbiz.siteua.org-ը:
Երբ Ջենիֆերի անունը հանել են ծրարից, նա, բնականաբար, վեր է կացել տեղից ու բարձրացել՝ արձանիկը ստանալու, բայց այդ պահին ինչ-որ մեկը ոտքն անհաջող դրել է նրա մուգ կապույտ զգեստի փեշին:
Շրջազգեստը պատռվել է և սկսել է սահել աստղի ոտքերի վրայով: Դա տեսնելով՝ Մարիոն Կոտիարը զարմանքից բացել է բերանը, իսկ Նիկոլ Քիդմանը՝ բռնել գլուխը: Բայց նրանք հեռու են եղել «նորաձև վթարից» և ոչ մի կերպ չեն կարողացել իրենց մասնակցությունն ունենալ գործընկերուհու ճակատագրին:
Իսկ ահա շրջապատողներն անմիջապես նետվել են դերասանուհուն օգնելու և բռնելու զգեստի կորած հատվածը: Լոուրենսի կողքին եղած տղամարդիկ որոշել են նրան մխիթարել գրկելով:
Բայց հագուստը փրկել այլևս հնարավոր չի եղել: Դերասանուհին բեմ է բարձրացել շատ կարճ կոկտեյլային զգեստով: Ջենիֆերի բախտը բերել է. դերասանուհու ուսերը բաց են եղել, վտանգ է եղել, որ զգեստն ընդհանրապես կընկնի վրայից:
