2012թ. դեկտեմբերին նոյեմբերի համեմատ ՀՀ սպառողական շուկայում գներն աճել են 2.1%-ով: Ազգային վիճակագրական ծառայության այսօր հրապարակած տվյալների համաձայն՝ պարենային ապրանքների (ներառյալ ոգելից խմիչք և ծխախոտ) գները նշված ժամանակահատվածում աճել են 3.6%-ով, ոչ պարենային ապրանքներինը`0.4%-ով, իսկ ծառայությունների ոլորտում սակագների հավելաճը կազմել է 0.2%:
2012թ. հունվար-դեկտեմբերին հանրապետությունում արձանագրվել է մոտ 2.5% գնաճ, իսկ սպառողական գների միջին ամսական հավելաճը կազմել է 0.3%, ինչը 0.1 տոկոսային կետով ցածր է նախորդ տարվա համապատասխան ժամանակահատվածում գրանցված ցուցանիշից (0.4%):
2012թ. դեկտեմբերին 2011թ. դեկտեմբերի համեմատ սպառողական գներն աճել են 3.2%, այդ թվում, պարենային ապրանքներինը (ներառյալ ոգելից խմիչք և ծխախոտ)`3.1%, ոչ պարենային ապրանքներինը`5.7%, ծառայությունների սակագներինը`2.1%, իսկ հունվար-դեկտեմբերին 2011թ. հունվար-դեկտեմբերի համեմատ` համապատասխանաբար 2.6%, 2.3, 4.6 և 2.1%: