Այսօր ՀՀ Աժ-ում սկսվեցին Հայաստանի Հանրապետության գազամատակարարման համակարգի գործունեության ուսումնասիրության Ազգային ժողովի ժամանակավոր հանձնաժողով ստեղծելու շուրջ կազմակերպված լսումները:
ԱԺ ՀՅԴ խմբակցության ղեկավար Վահան Հովհաննիսյանը իր խոսքում նշեց, թե ինչու է անհրաժեշտ ստեղծել գազամատակարարման համակարգի ուսումնասիությունների ժամանակավոր հանձնաժողով: Նրա խոսքերով, հասկանալի չէ, թե ինչու է սպառողին գազի մատակարարման ծախսը սահմանվել բավական բարձր գնով, ինչ սկզբունքներով են ձևավորվում գազի սակագները անհատ սպառողի և խոշոր սպառողների պարագայում և այլն:
ԱԺ այդ լսումներին ներկա էին էներգետիկայի և բնական պաշարների նախարար Արմեն Մովսիսյանը, հանրային ծառայությունների կարգավորող հանձնաժողովի նախագահ Ռոբերտ Նազարյանը: Սակայն այդ լսումներին ներկա չէր «ՀայՌուսգազարդ»-ի ոչ մի ներկայացուցիչ:
