Պաշտպանության նախարարությունում Հայաստանի օրենսդիր, գործադիր և դատական իշխանությունների ղեկավարների ընդլայնված կազմով նիստ անցկացվեց՝ Սերժ Սարգսյանի գլխավորությամբ: Նիստի ընթացքում ՀՀ նախագահն, անդրադառնալով ՀՀ արտաքին քաղաքական առաջնահերթություններին, ևս մեկ անգամ ընդգծեց, որՀՀ արտաքին քաղաքականության գլխավոր նպատակը Արցախի դեմ Ադրբեջանի կողմից սանձազերծված ագրեսիվ պատերազմում տարած հաղթանակի վերջնական իրավական ձևակերպումն է:
«Առաջին լրատվական»-ի հետ զրույցում «Մոդուս Վիվենդի» կենտրոնի ղեկավար, Կանադայում ՀՀ նախկին արտակարգ և լիազոր դեսպան Արա Պապյանն անդրադարձավ ՊՆ-ում անսպասելի կերպով կազմակերպված ընդլայնված նիստին: Նա նշեց, որ 2013-2014 թթ. Հայաստանի և Ադրբեջանի միջև պատերազմի վերսկսման ամենահավանական ժամանակահատվածն է լինելու, որովհետև դրանից հետո արդենԱդրբեջանի նավթից ստացվող եկամուտներն էապեսկսկսեն կրճատվել: Սակայն, Ա. Պապյանի խոսքերով,«ամենահավանական ժամանակահատված»ասելով՝ ինքը չի պնդում, թե պատերազմի վերսկսումը հավանական է: «Ես չեմ կարծում, որ 2013թ. պատերազմ սկսի Ադրբեջանը։ Թեև իրենք ևս մեկ անգամ ավելացրին իրենց ռազմական բյուջեն, բայց իրենք չունեն որակական առավելություն, իսկ պատերազմ սկսող երկիրը պետք է համոզված լինի վերջնական և կայուն հաղթանակի մեջ: Իսկ Ադրբեջանըմիայնակ երբեք չի կարող հաղթանակ ունենալ»,- նշեց Արա Պապյանը:
Անդրադառնալով Ադրբեջանի նախագահ Իլհամ Ալիևին՝ քաղաքագետն ասաց, որ նա մի մարդ է, ով երկրի ամբողջ իշխանությունը, ընդերքում եղած հարստությունը, ժողովրդի հարստությունը գրեթե յուրացրել է: «Ինչո՞ւ պետք է վտանգի նա իր քաղաքական իշխանությունը և տնտեսական բազմամիլիարդ եկամուտներըհանուն նրա, որ պատերազմ սկսի ՀՀ-ի դեմ, որովհետև, սկսելով պատերազմ ԼՂ-ի դեմ, սկսումէ պատերազմ ՀՀ-ի դեմ, որ «ազատագրի» Ղարաբաղը»,- կարծիք հայտնեց Ա. Պապյանը:
Ուստի, ըստ նրա, ընդլայնված նիստ կազմակերպելը պայմանավորված է երկրի ռազմաքաղաքականհավասարակշռությունը պահելու ցանկությամբ:
