Ավստրալիացի սիրողական բնույթի ոսկի որոնողը, ում անունը չի նշվում, հունվարի 16-ին գտել է 5կգ 505 գրամ քաշով ոսկու կտոր: Այն գտնվել է Վիկտորիա նահանգի Բալարաթ քաղաքի մերձակայքում, 60 սմ խորության վրա: Այս մասին հաղորդում է The Ballarat Courier հրատարակությունը:
Ոսկու կտորը գտնելուց հետո ավստրալիացին մասնագիտական խորհրդատվություն ստանալու համար այցելել է խանութ, որտեղ վաճառվում են օգտակար հանածոներ: Խանութի սեփականատեր Քորդել Քենթն ասել է, որ ինքը նախկինում չի տեսել նման խոշոր ոսկու կտոր, և որ այն կարելի է վաճառել 300 հազար ավստրալիական դոլարով (315 հազար ԱՄՆ դոլար), սակայն ամբողջական կտորը միանգամից կարելի է նաև ավելի թանկ վաճառել:
Հավանաբար ոսկին կվաճառվի որևէ հավաքածուի տիրոջ կամ թանգարանի:
