Ամերիկացի սենատոր Ջոն Մաքքեյնը հայտարարել է, որ Կահիրե այցելած ամերիկյան պատվիրակությունը պատրաստ է վերանայել եգիպտական հեղափոխությանն առնչվող դիրքորոշումը: Այս մասին հայտնում է «Անադոլու» գործակալությունը:
Մաքքեյնը նաև հայտարարել է, որ Եգիպտոսի և ԱՄՆ-ի միջև հարաբերությունները կապված չեն որևէ մարդու կամ կուսակցության հետ, այլ ժողովրդի և կառավարության:
«Եգիպտոսում տեղի ունեցող իրադարձությունները ազդում են աշխարհի վրա: Ամերիկյան պատվիրակությունը բանակցություններ է ունեցել Եգիպտոսի նախագահ Մուհամմադ Մուրսիի և պաշտպանության նախարար Աբդելֆատահ Սաիդ Ալ-Սիսի և մի քանի հակառակորդների հետ, քննարկել խորհրդարանական ընտրությունների արդյունքները»,- ասել է նա:
Նրանք հանդիպել են նաև Սիրիայի ընդդիմադիրների և հեղափոխական ուժերի ազգային կոալիցիայի ներկայացուցիչներին, գովել նրանց քաջությունն ու ճանաչել նրանց որպես Սիրիացի ժողովրդի շահերը ներկայացնող օրինական խումբ:
