Ամերիկյան Boeing ընկերությունը կատարելագործել է բազմատոն հակաբունկերային MOP ռումբերը՝ ավելացնելով դրանց գործունեության տարածքը։ Այս մասին տեղեկացնում է Business Isider-ը: Այս ծրագրի վրա 82 միլիոն դոլար է ծախսվել:
Պենտագոնի փորձարկումների իրականացման և գնահատման վարչության տնօրեն Մայքլ Գիլմորի խոսքերով՝ իրականացվել է հինգ ձևափոխված ռումբերի փորձարկում, որոնք նետվել են B-2 Spirit ռմբարկուից: Բացի դրանից, երկու ռումբեր էլ փորձարկվել են գետնի վրա: Ներկա պահին B-2-ը MOP-ի միակ կրիչն է հանդիսանում:
2011 թ. այս ռումբերն ԱՄՆ-ի զինանոց ընդունելուց հետո Պենտագոնը հայտարարել էր, որ դրանց հզորությունը բավարար չէ Իրանի տարածքում գտնվող ստորգետնյա օբյեկտները ոչնչացնելու համար, և ԱՄՆ ռազմաօդային ուժերը սկսել են դրա կատարելագործումը:
MOP ռումբերը ստեղծված են հատուկ Իրանի և Հյուսիսային Կորեայի տարածքներում գտնվող ստորգետնյա կառույցները ոչնչացնելու նպատակով:
