Ոստիկանությունը բռնել է գողի, որը գողացել է ավելի քան 120 000 դոլար արժողությամբ ադամանդներ ու մարգարիտներ այն բանից հետո, երբ հետախուզման մեջ լինելով՝ Facebook-ում տեղադրել է իր լուսանկարները, որոնցում նա հիանում է Լոնդոնի և Ռիո դե Ժանեյրոյի տեսարժան վայրերով, հայտնում է fedpost.ru-ն:
31-ամյա Կառլ Ռոդրիգեսը Մեծ Բրիտանիայից փախել է այն բանց հետո, երբ 2011-ի հոկտեմբերին Մանչեսթերում հարձակվել է ադամանդներ վաճառողի վրա:
Տղամարդը հարձակման համար իրեն մեղավոր ճանաչելուց հետո դատապարտվել է 5 տարի 4 ամիս ազատազրկման: Ենթադրում են, որ Ռոդրիգեսը Լոնդոնում կենտրոնացած հարավամերիկյան «Լատինական արքաներ» հանցավոր խմբավորման անդամ է:
Ոստիկանության կարծիքով՝ նա հանցակից է ունեցել:
Ռոդրիգեսը TAM ավիաընկերության Ռիո դե Ժանեյրոյի երկու տոմս է գնել ու երկիրը լքել կեղծ անձնագրով՝ Չիգուիչոն-Լոպես անունով: