Իրաքում տեղի ունեցած ահաբեկչությունների թիրախը, որոնց հետևանքով զոհվել է առնվազն 23 և վիրավորվել շուրջ 226 մարդ, եղել են քրդական քաղաքական կուսակցությունների գրասենյակաները: Այս մասին հաղորդում է Agence France-Presse-ը՝ վկայակոչելով Իրաքի ուժային կառույցները:
Ավելի վաղ հաղորդվել էր, որ Իրաքում տեղի ունեցած մի քանի պայթյունների հետևանքով զոհվել է 17, վիրավորվել՝ 170 մարդ:
Մահապարտ ահաբեկիչը ականապատված ավտոմեքենան պայթեցրել է Իրանի հյուսիսում՝ Քիրքուկ քաղաքում, որի հետևանքով զոհվել է 16, վիրավորվել՝ 190 մարդ: Պայթյունը տեղի է ունեցել Քրդական ժողովրդավարական կուսակցության գրասենյակի մոտ:
Մեկ այլ ականապատ մեքենա պայթել է Քուրդիստանի Հայրենասիական միություն կուսակցության բաժանմունքի շենքի մոտ: Այս պայթյունի հետևանքով զոհվել է 2, վիրավորվել ավելի քան 30 մարդ:
Մի շարք զինված հարձակումներ են տեղի ունեցել նաև երկրի մայրաքաղաք Բաղդադում, որտեղ զոհվել է առնվազն 5 մարդ:
