Շոկային դեպք է տեղի ունեցել Բարսելոնի կենդանաբանական այգում՝ տասնյակ այցելուների աչքի առաջ 45-ամյա տղամարդը անցել է արգելապատնեշն ու ցատկել առյուծների վանդակի մեջ:
Նրա վրա իսկույն հարձակվել են քաղցած գիշատիչները: Սարսափելի կադրերը հայտնվել են համացանցում՝ հայտնում է Washington Post-ը:
Այցելուն հրաշքով է ողջ մնացել մինչ միջամտել են փրկարարներն ու հրշեջները: Նրանք կարողացել են քշել առյուծներին՝ կենդանիների ուղղությամբ ջրի հզոր շիթեր ուղղելով: Տուժածին տեղափոոխել են հիվանդանոց բազմաթիվ վնասվածքներով: Բժիշկներն ասում են, որ նա ծանր վիճակում է, սակայն կյանքին վտանգ չի սպառնում:
