Սիրիայում և Իրաքում տարածքներ զավթած ԴԱԻՇ (Իրաքի և Շամի իսլամական պետություն) ահաբեկչական խմբավորման սպառնալիքը դառնում է համաշխարհային բնույթի: Այս մասին գրում է Ria Novosti-ն` վկայակոչելով Ֆրանսիայի պաշտպանության նախարար Ժան Իվ Լե Դրիանին:
«ԴԱԻՇ-ի դեմ պայքարը վերաբերում է ոչ միայն Սիրիայի և Իրաքի անվտանգությանը, այլև ամբողջ աշխարհին` դրա գաղափարախոսության տարածման արագ տեմպերի պատճառով: Այդ երևույթի տարածվելուց խուսափելու համար անհրաժեշտ է համաշխարհային հանրության կտրուկ պատասխան արձագանքը»,- ասել է Լե Դրիանը:
Նախարարը միջազգային հանրությանը ԴԱԻՇ-ի դեմ կոլեկտիվ գործողությունների կոչ է արել: «ԴԱԻՇ-ի դեմ պայքարում հաջողությունը կախված է համագործակցելու մեր հնարավորությունից»,- կարծում է նա:
