Հոլիվուդյան դերասանուհին առաջին անգամ լրագրողներին պատմել է իր դստեր՝ Ռոուզ Դորոթիի մասին, որը ծնվել է սեպտեմբերի 4-ին:
Հարցին ի պատասխան՝ ինչպե՞ս է իրեն զգում նորաթուխ մայրիկը, Յոհանսոնը լայն ժպտացել է ու արտաբերել. «Նա այնքան քաղցր է բուրում: Ինձ դժվար է դա բառերով նկարագրել, սակայն ես էյֆորիայի մեջ եմ»:
Դերասանուհին պատմել է, որ ինչպես երիտասարդ մայրերը, ինքը քնի պակասություն ունի:
«Դա այդ հիանալի փորձի ամենատանջալից մասն է: Ես երբեք չէի մտածի, թե որքան շատ բան կնշանակի ինձ համար ամբողջ գիշերը քնելու հնարավորությունը»,- ասել է Յոհանսոնը գերմանական Gala պարբերականին տված հարցազրույցում:
