ԱՄՆ Միչիգան նահանգի ոստիկանությունը փնտրում է 2.5 տոննա կշռող կամուրջը, որը գողացվել է Դետրոյթի արվարձանից: Կորստի մասին հայտարարությամբ իրավապահաներին դիմել էր կոնստրուկցիայի սեփականատեր Ռոբերտ Քորթիսը:
Տղամարդը պատմել է, որ իրենց տնից ոչ հեռու իր հայրը պողպատից ու փայտից կամուրջը կառուցել էր մի քանի տասնամյակ առաջ: Դրանից հետո ընտանիքը բնակության նպատակով այլ վայր է տեղափոխվել, սակայն վերջերս Քորթիսը վերադարձել է՝ փոխադրելու կոնստրուկցիան նոր վայր:
Կամրջի տերը հստակեցրել է, որ պատրաստվում էր կիրառել այն հարսանեկան ֆոտոսեսիաների համար:
Քորթիսը հայտարարել է, որ մեղադրանք չի առաջադրի գողերի դեմ, եթե նրանք կամավոր վերադարձնեն կոնստրուկցիան: Որոնումները դեռևս հաջողությամբ չեն պսակվել:
