Դիզայներ Ջոն Գալյանոն հասարակական միջոցառման է ներկա գտնվել առաջին անգամ այն սկանդալից հետո, որի պատճառով 2011-ին ստիպված եղավ հեռանալ Dior նորաձևության տնից: Այս մասին հաղորդում է The Independent-ը:
3 տարի ընդհատակում մնալուց հետո դիզայները ներկա է գտնվել Լոնդոնում տեղի ունեցած British Fashion Awards նորաձևության մրցանակաբաշխության արարողությանը:
Դիզայները ներկա է գտնվել միջոցառմանը` ամերիկյան Vogue ամսագրի գլխավոր խմբագիր Աննա Վինտուրին մրցանակ հանձնելու համար: Արարողությանը Վինտուրը ներկա է գտնվել John Galiiano-ի զգեստով:
Հիշեցնենք, որ Ջոն Գալյանոն ձերբակալվել էր 2011-ի փետրվարին Փարիզում հակասեմական արտահայտությունների համար:
