Լոնդոնի «Չելսի»-ի գլխավոր մարզիչ Ռաֆայել Բենիտեսը Անգլիայի Պրեմիեր Լիգայի 22-րդ տուրի շրջանակներում կայանալիք «Սթոք Սիթի»-ի դեմ խաղից առաջ հայտարարեց, որ իր սաներին ծանր խաղ է սպասվում, բայց նրանք պատրաստվում են հերթական հաղթանակը տոնել.
«Մենք միշտ խաղադաշտ ենք դուրս գալիս հաղթելու նպատակով: Գիտակցում ենք, որ «Սթոք»-ի դեմ խաղը բարդ է լինելու: Թոնի Փյուլիսը հիանալի աշխատանք է կատարում, ակումբը քիչ պարտություններ է կրում, բայց մենք պատրաստվում ենք մեր հերթական հաղթանակին:
Թիմի բոլոր խաղացողները վստահ են, որ մենք կարող ենք բարելավել արդյունքները: Ֆուտբոլիստները երջանիկ են, լավ մթնոլորտ է թիմում: Մենք ճիշտ ուղու վրա ենք:
Մենք գրանդեևրի թվին ենք դասվում և երկրպագուները մեզնից միշտ հաղթանակ են ակնկալում»,- Բենիտեսի խոսքերը մեջբերում է «Չելսի»-ի պաշտոնական կայքը:
