Մշտազբաղ, հաջողակ, հետաքրքրասեր: Ահա այս խոսքերով է իրեն բնորոշում Նատալի Պորթմանը՝ դերասանոհի, Հարվարդի շրջանավարտ ու DIOR-ի դեմք:
ELLE-ի հետ զրույցում նա անկեղծորեն պատմել է, թե ինչու է նախանձում ֆրանսուհիներին, ինչպես է ազատվում սթրեսից և ինչու է ցանկանում գնալ Ամերիկա:
– Ինչո՞ւ կարող եք ձեզ անվանել կին՝ Dior-ի ոճով:
– Որովհետև ինձ հարմարավետ է լինել այնպիսին, ինչպիսին կամ: Ես չեմ փորձում կեղծել կամ ինձ փոխել: Իսկ Dior-ում առաջին հերթին գովերգում են անհատականությունը:
– Դուք այնքան եք տարվել Dior-ի ոգով, որ, հավանաբար, մի քիչ ֆրանսուհի եք դարձել:
– Ցավոք, ոչ ամբողջովին: Փարիզուհիները բնական տեսք ունեն ու ցանկանում են, որ իրենց գնահատեն խելքի ու ներաշխարհի համար, այլ ոչ թե արտաքինի: Բացի դրանից՝ նրանք կարողանում են ցանկացած թերություն վերածել կերպարի տարրի:
-Ի՞նչ կերպարով եք հանդես գալիս առօրյա կյանքում, երբ չկան նկարահանումներ ու պաշտոնական միջոցառումներ:
– Ւնձ դուր է գալիս լինել բնական, սակայն ունենալ ավելի լավ տեսք, քան պարզապես Նատալի Փորթմանը առանց դիմահարդարման:
– Նկարագրեք ձեր beauty առօրյան:
– Դրանք բաներ են, որ հարկավոր են առողջության ու գեղեցկության համար: Օրինակ՝ ես բուսակեր եմ, չեմ խմում սուրճ, միշտ մաքրում եմ դեմքս երեկոյան ու խոնավացնում եմ մաշկս:
– Ինչպե՞ս եք հանում սթրեսը:
– Կցանկանայի սովորել մեդիտացիա անել: Իսկ մինչ այդ լավագույն եղանակը բացասական էներգիան դուրս հանելն է՝ մարզվելը, լողը կամ լեռներով զբոսնելը: Երբեմն գնում եմ յոգայի կամ ընկերներիս հետ պարելու:
– Ձեր լավագույն beauty խորհուրդը:
– Հոնքերը ինքնուրույն չհանել:
– Սիրած ուտեստը:
– Վեգանյան կուսկուս ու հումուս:
– Սիրած գրքերը:
– Նաբոկովի «Լոլիտան» ու Ջորջ Էլիոթի «Միդլմարչը»:
-Ձեր կարգախոսը:
– Have fun and be good.
