Թուրքիան կստեղծի բոլոր անհրաժեշտ պայմանները, որպեսզի Քրդստանի աշխատավորական կուսակցության (PKK) անդամները անարգել լքեն երկրի սահմանները: Ինչպես հաղորդում է Hurriyet թերթը, նման հայտարարությամբ հանդես է եկել վարչապետ Ռեջեփ Թայիփ Էրդողանը:
Վարչապետի խոսքերով՝ ավելի վաղ Թուրքիայում գրանցվել են դեպքեր, երբ PKK անդամ գրոհայինները, լքելով երկրի տարածքը, հարձակման են ենթարկվել են բանակի կողմից: Նա նշել է, որ այս անգամ Թուրքիան երաշխավորում է PKK-ի անդամների անվտանգ հեռանալը երկրից:
Ավելի վաղ Թուրքիայի վարչապետը հայտարարել էր, որ ահաբեկչության դեմ պայքարում Թուրքիայի նպատակն է, որիպեսզի PKK-ն հրաժարվի ահաբեկչության պրակտիկայից և դուրս բերի իր անդամներին երկրից:
Թուրքիայի հակամարտությունը PKK-ի հետ, որը ձգտում է ստեղծել քրդական անկախ պետություն, շարունակվում է ավելի քան 25 տարի: ՄԱԿ-ը և Եվրամիությունը PPK-ն ճանաչել են ահաբեկչական կազմակերպություն:
