54 տարեկանում Դոնովան Նելսոնը 30 տարեկանի տեսք ունի, և այդ ամենն իր 33-ամյա կնոջը համապատասխանելու համար:
Այն բանից հետո, երբ հոլիվուդյան արդեն ոչ երիտասարդ դերասաններ Լիամ Նիսոնը, Թոմ Քրուզը և Շոն Փեննին ցուցադրեցին իրենց ձգված մկանները, կտրուկ ավելացել է այն տղամարդկանց թիվը, ովքեր ցանկացել են պինդ արտաքին ունենալու նպատակով դիմել պլաստիկ վիրաբույժների օգնությանը: Վիրաբույժներին դիմած տղամարդկանց տարիքը տատանվում է 50-60 տարեկանի սահմաններում:
Այդ տղամարդկանցից մեկը 54-ամյա Դոնովան Նելսոնն է, ով լազերային լիպոսակցիա և կրծքի իմպլանտների տեղադրում է արել՝ իր 33-ամյա կնոջը համապատասխանելու համար:
Վիրահատությունները տեղային ցավազրկմամբ են անցկացվել: Վիրահատության ժամանակ հեռացվել է անցանկալի ճարպը և տեղադրվել են իմպլանտները:
Տղամարդը վեց ամիս բուժվել է՝ ծախսելով 15 հազար դոլար, սակայն նա պնդում է, որ չի զղջում դրա համար:
«Ես ինձ այժմ ավելի ինքնավստահ եմ զգում: Ես միշտ բոլորին խորհուրդ եմ տալիս ֆիզիկական վարժությունների շնորհիվ վերականգնել լավ տեսքը, սակայն եթե դա օգուտ չի տալիս, ապա կարելի է դիմել վիրաբույժների օգնությանը: Ես միշտ լսում եմ, որ իմ տարիքի համեմատ ավելի երիտասարդ տեսք ունեմ»,- ասել է նա:
Լիպոսաքցիայի ենթարկված 50 տարեկանից բարձր տղամարդկանց թիվը վերջին երկու տարիների ընթացքում ավելացել է 110 %-ով:
Այժմ կոսմետիկական կլինիկաներում բուժվողների 20 %-ը 50 տարեկանից բարձր մարդիկ են:
