Ինչպես հայտնի է, աստղերն էլ են մարդ, և տառապում են տարբեր խնդիրների պատճառով: Միաժամանակ, նրանք պետք է միշտ լավ տեսք ունենան և ջանք չեն խնայում ավելորդ քաշից ազատվելու համար: Օրինակ, Ջեննի Գարտը, ով ամուսնալուծությունից հետո 10 կիլոգրամով նիհարել է, պատմել է, որ սննդի մեջ հաճախ հավի միս է օգտագործում: Ջեննին և նրա դուստրերը թարմ բանջարեղեն, հունական յոգուրտ, աղցան և սպիտակուցային սնունդ են նախընտրում:
Շերոն Օսբորնը, ով Ատկինսոնի դիետայի երկրպագուն է, նիհարել է մոտ 14 կգ-ով: Աստղի հայտարարության համաձայն՝ 60-ամյակի նախաշեմին ինքը չի ցանկանում «գեր կով» լինել, այդ պատճառով էլ նախընտրում է ավոկադո, ձու, բեկոնի փոքր չափաբաժիններ, բանջարեղեն և պանիր: Սննդի սահմանափակման հիմնական պատճառը կյանքը վայելելու ու կյանքից հաճույք ստանալու Շերոնի ցանկությունն է:
Եվ վերջապես, Ռիհաննան անցած տարի կտրուկ նիհարել է: Ընդ որում, դերասանուհու հայտարարության համաձայն՝ ինքը չի հասկանում, թե որն է իր նիհարելու պատճառը, քանի որ իրեն սննդի առումով չի սահմանափակում: Միգուցե պատճառը Քրիս Բրաունի հետ նրա վեճն է: Բացի դրանից, Ռիհաննան խոստովանել է, որ իրեն բարկացնում է «զրոյական համարը», և ինքն իրեն ոչ գրավիչ և ոչ սեքսուալ է համարում:
