Ռուս և եվրոպացի գիտնականները 2013թ. մարտի 4-ին կհավաքվեն Մոսկվայում՝ դեպի Յուպիտերի Գանիմեդ արբանյակ համատեղ գիտական առաքելության քննարկման համար: Այս մասին հայտնում է Interfax-ը՝ հղում անելով ՌԴ Գիտությունների ակադեմիայի տիեզերական հետազոտությունների ինստիտուտի տնօրեն Լև Զելյոնին:
Գանիմեդը արեգակնային համակարգի մոլորակների ամենամեծ բնական արբանյակն է, այն 8 տոկոսով մեծ է, քան Մերկուրի մոլորակը: Ինչպես ենթադրում են գիտնականները, արբանյակն ունի աղի ջրով խորը օվկիանոս՝ պատված սառույցի հաստ շերտով: Մարսից հետո այդ ջրային աշխարհի ուսումնասիրությունը կդառնա հաջորդ կարևոր քայլը արեգակնային համակարգում կյանքի որոնումներում:
Արբանյակը սեփական մագնիսական դաշտ ունի, յուրօրինակ մագնիսական վահան, որը նրան պաշտպանում է Յուպիտերի ռադիոակտիվ հզոր բևեռներից: Շատ կարևոր է այդ վահանի արդյունավետությունը բացատրելը: Արբանյակը ուժեղ կապված է Յուպիտերի հետ գրավիտացիոն և էլեկտրամագնիսական ուժերով: Այդ փոխազդեցության ուսումնասիրությունը կարևոր է Յուպիտերի եզակի արբանյակային համակարգը լավ հասկանալու համար:
