Նավթի համաշխարհային գները երկուշաբթի առևտրային բորսաներում աճում են Չինաստանում արտահանման մակարդակի ավելացման ֆոնին: Այս մասին հայտնում է Ria Novosti-ն՝ հղում անելով առևտրի տվյալներին:
Մեր ժամանակով ժամը 8.22-ի դրությամբ WTI նավթի դեկտեմբերյան մատակարարումների ֆյուչերսային պայմանագրերի արժեքն աճել է 0.53%-ով՝ 79.07 դոլար 1 բարելի դիմաց: Brent-ի դեկտեմբերյան ֆյուչերսային գործարքների գինն աճել է 0.53%-ով՝ 83.83 դոլար 1 բարելի դիմաց:
Չինաստանի ազգային վիճակագրական բյուրոյի տվյալներով՝ տարվա կտրվածքով հոկտեմբերին արտահանման ծավալը մեծացել է 11.6%-ով՝ վերլուծաբանների կանխատեսած 10.6%-ի փոխարեն:
Վերլուծաբանները նշում են, որ արտասահմանյան պահանջարկը կարող է նպաստել մեծությամբ երկրորդ համաշխարհային նավթ սպառող երկրի տնտեսությանը:
